Maddi Alegre - Didaktika

Duela egun batzuk, arazo egoera deituriko ariketa bat burutu genuen, ikaskuntza munduko errealitatera gehiago hurbiltzeko asmoz. Bertan, arazo zehatz baten aurrean, taldeka, nola jokatuko genukeen eta emango genukeen erantzunaren inguruan hausnartu dugu, egun horretan erabiliko genuen antolaketa, metodologia... azalduz. Haur bakoitzaren beharrak eta Curriculumak eskatzen duena kontuan hartuz eta errespetatuz. Hona hemen guri proposatutako arazo-egoera: Demagun, zure lehen klase eguna dela Haur Hezkuntzako 2º zikloko 3º mailako umeekin. Eginbeharrak eta gelan jarraitu beharreko metodologia azaldu dizkizute baino zu ez zara eroso sentitzen egin beharrarekin zein metodologia berarekin, ez baituzu kontrolatzen. Gainera haurrak aztoratzen hasiak dira. Zer egingo zenuke? Hau da, nola antolatuko zenuke gelako dinamika? Zehatz-mehatz azaldu. Haur Hezkuntzako 2º zikloko 3º mailako klase (5-6) baten aurrean aurkitzen gara, kasu honetan, gure metodologia aplikatuko genuke baina beti ere...

Oraingo honetan, arazo egoerari buruzko hausnarketa egin ondoren, Haur Hezkuntzako gela batean eman daitekeen arazo egoera bat diseinatu dugu eta edukiak, metodologia, ebaluazioa... zehaztu ditugu. Hona hemen planteatu dugun arazoa:

Haur Hezkuntzako dekretua lantzen egon gara azken egun hauetan. Izan ere, beharrezkoa da etorkizunean dekretuak ulertzen eta interpretatzen jakitea hezitzaile moduan. Horretarako, talde ezberdinetan banatu eta talde bakoitzari kapitulu bat egokitu zaigu. Guri V. KAPITULUA lantzea tokatu zaigu, hau izan da kapituluaren inguruan egin dugun analisia: Ondoren, talde bakoitzari egokitutako kapituloaren azalpena ematean, guztiak mapa kontzeptual bakarrean batu ditugu. Hau izan da Haur Hezkuntzako Dekretuaren inguruan osatutako mapa orokorra:

Badira egun batzuk didaktikako klasean curriculumaren inguruko mapa kontzeptual bat egin genuela. Hori egiteko orduan, onartu beharra dugu ez genituela zenbait ikuspuntu oso ondo ulertu, beraz, hori izan daiteke taula zuzen ez egitearen arrazoi nagusietako bat. Taula osatzeko dokumentu bat irakurri beharra izan genuen eta nahiz eta aldi batean baino gehiagotan irakurri ezin izan genuen oso ondo ulertu. Ondorioz, oso zaila zen testua ondo ulertu gabe taula zuzen egitea. Aitortu beharra dugu ez genuela aurretik gai honen antzeko ezer landu, ariketa zaildu zuena; taula bete baino lehenago kontzeptu ezberdinak zer diren jakin beharra dago eta guk hori lortzeko arazoak izan genituen. Dena den, testua irakurri eta aztertzen joan ondoren, kontzeptu batzuk ulertu eta taulan txertatzen jakin genuen, nahiz eta beste batzuetan horrela ez izan. Hau da, dokumentuen izenak zeintzuk ziren aurkitu genituen, haien definizioa lantzea zailagoa egin zitzaigun arren. Izaerari dagokionez, uste dugu...